Saytımıza xoş gəlmişsiniz.

Zaqatala rayonu hər zaman öz gözəlliyi ilə gələn qonaqları valeh etmişdir. Rayonun təbiəti, eləcə də sakinlərimizin qonaqpərvərliyi diqqəti cəlb etmiş, yüksək rəğbətlə qarşılanmışdır. Zaqatala həm də, tarixi abidələrlə zəngindir. Burada tariximizin qədim dövrlərindən başlayaraq bu günə kimi mövcud olmuş tikililər bizi uzaq keçmişimizlə bağlayan bir yoldur. Bunların içərisində öz səciyyəvi xüsusiyyəti ilə fərqlənən Zaqatala Qalası xüsusi yer tutur.

Zaqatala qalası 1830-cu ildə çar imperiyası dövründə  tikilmişdir. Quruluşuna görə qala-şəhər bastion tipli bu abidə indiyə qədər öz ilkinliyi saxlamaqdadır. Qalanın ərazisində 17 tikili mövcuddur. 1984-cü ildə bu abidə qoruq statusunu alaraq, dövlətimiz tərəfindən diqqət mərkəzindədir.

Belə ki, saytımızın məqsədi Sizi qoruğun və rayonumuzun tarixi ilə tanış etməkdir. Zaqatala Tarix-Mədəniyyət qoruğunun kollektivi saytımıza müraciət etdiyinizə görə Sizə dərin təşəkkürünü bildirir.